Распечатать

Молитвы перед иконой Пресвятой Богородицы «Трех радостей»

Молитва перед иконой Пресвятой Богородицы «Трех радостей» направлена на помощь:

— тем, кто находится в состоянии депрессии и тяжелого уныния,
— путникам в дороге,
— воинам, отправившимся на войну,
— защищающимся от врагов, их напастей и несправедливой клеветы.

Текст молитвы

 
О, Пресвятая Дево, Всеблагаго Сына Мати Всеблагая, первопрестольнаго града и святаго храма сего покрове, всем же сущим во гресех и скорбех верная Предстательнице и Заступнице!

Не презри моления нас, недостойных раб Твоих, но умоли Сына Твоего и Бога нашего, да всем нам, с верою и умилением пред чудотворным образом Твоим поклоняющимся, по коегожде потребе да дарует:

грешником — вседейственное вразумление, покаяние же и спасение;

сущим в скорбех и печалех — утешение;

в бедах и озлоблениих пребывающим — совершенное от них избытие;

малодушным и ненадежным — надежду и терпение;

в радости и изобилии живущим — непрестанное Богу благодарение;

сущим в болезни — исцеление и укрепление.

О, Госпоже Пресвятая, умилосердися ко всем чтущим всечестное имя Твое и всем яви всемощный покров Твой и заступление, от враг видимых и невидимых люди Твоя защити и сохрани.

Супружества в любви и единомыслии утверди;

младенцы воспитай;

юныя уцеломудри, отверзи им ум к восприятию всякаго полезнаго учения;

от домашния свары единокровныя люди миром и любовию огради, и всем нам подаждь друг ко другу любовь, мир и благочестие, и здравие со долгоденствием, да вси на небеси и на земли ведят Тя,

яко твердую и непостыдную Предстательницу рода христианского и, сие ведуще, славят Тя и Тобою Сына Твоего со безначальным Его Отцем и Единосущным Его Духом, ныне и присно и во веки веков.

Аминь.