Распечатать

Молитвы святой Татьяне (Римской)

К святой Татьяне обращаются с молитвами о помощи в сдаче экзамена, зачета или контрольной. Она является покровительницей всех учащихся.

Молитва первая

 
Моли Бога о мне, святая угоднице Божья Татьяна, яко аз усердно к тебе прибегаю, скорой помощнице и молитвеннице о душе моей.

Молитва вторая

 
О святая мученице Татиано, приими ныне нас, молящихся и припадающих к святой иконе твоей.

Молися о нас, рабех Божиих (имена), да избавимся всяких скорбей и болезней душевных и телесных и благочестне поживем в настоящем житии,

и в будущем веке сподоби нас со всеми святыми поклонятися в Троице славимому Богу, Отцу и Сыну и Святому Духу, ныне и присно и во веки веков.

Аминь.

Молитва третья

 
О, святая мученице Татиано, невесто Сладчайшего Жениха Твоего Христа, агнице Агнца Божественнаго, голубице целомудрия!

Страданьми, яко одеждами царскими одеянная, к ликом небесным сопричтенная, ликующая ныне во славе вечней!

От дней младых Богу обещавшаяся святая служительнице Церкве, целомудрие соблюдшая и паче всех благ Господа возлюбившая!

Тебе мы молимся и тебе мы просим:

внемли прошением нашим сердечным, и не отвергай молений наших!

Даруй чистоту тела и души, вдохни любовь к Божественным истинам, на путь добродетелей веди нас, Ангельское охранение испроси у Бога нам.

Наши раны и язвы телесныя сотвори безболезненны, в злострадании терпение даруй.

Греховныя язвы уврачуй.

Юность нашу огради, старость безболезненну и безбедну даруй, в смертнем часе помози!

Поминай наши скорби, и отраду даруй!

Посети нас, сущих в темнице греха: на покаяние настави скоро, возжжи пламень молитвы!

Не оставь нас сирых!

Да славяще страдания твоя, возсылаем хвалу Господу сил, всегда, ныне и присно, и во веки веков.

Аминь.